संत गाडगेबाबांच्या स्मृतिदिनानिमित्त आज वाचन कट्ट्यावर त्यांना अभिवादन करण्यात आले. निष्काम कर्मयोगी संत गाडगे महाराज (लेखक उद्धव रसाळे) या पुस्तकामध्ये प्राचार्य शिवाजीराव भोसले यांनी प्रस्तावना दिलेली आहे. त्या प्रस्तावनेचे अभिवाचन करण्यात आले. पु ल देशपांडे यांच्या खिल्ली (ऑडिओ बुक) या पुस्तकातील निवडक मजकूर डॉ. तुषार घोरपडे यांनी ऐकवला. त्यामध्ये राजकारण, राजकारणातले गुन्हेगारीकरण, आणि या सगळ्याला समाजाने मूक संमती देणे या गोष्टीवर घणाघात केलेला आहे. समाजात आजूबाजूला होणाऱ्या घटना, अस्मितांचे स्तोम, शैक्षणिक संकुलात होणारा गुंडांचा शिरकाव, त्याला हाताळण्यात त्या ठिकाणच्या पदाधिकार्यांना येणारे अपयश यबाबत चर्चा झाली.  भोळे राहून चालणार नाही, हे संत गाडगेबाबांनी आपल्या अनोख्या शैलीत समजावले आहे. कारण भोळेपणाचा फायदा घेऊन राजकीय लाभ, आर्थिक लाभ (cyber crime इत्यादी), सामाजिक वर्चस्वाचे लाभ घेतले जातात. आपल्या सर्वांना हे ज्ञात असूनदेखील आपण त्याला बळी पडणे मूर्खपणाचे ठरेल, हाच संदेश आपण गाडगेबाबांकडून घेऊया. 

मार्टिन ल्युथर किंग यांचे I have a Dream हे आत्मचरित्र विद्यार्थीदशेत वाचणे किती महत्त्वाचे आहे, हे डॉ. तुषार घोरपडे यांनी सांगितले. त्यांनी एका व्हिडिओची शिफारस केली. तो देखील आवर्जून एकत्रित पाहिला. https://youtu.be/hZ-SbOFas1k?si=cPbJcW3kV6-pYrsS हा व्हिडिओ अवश्य बघा. Scientific temper या विषयावर आहे. त्यातून obscurantism हा नवीन शब्द कळला. अर्थ : the practice or policy of deliberately making something difficult to understand, especially in order to stop people from knowing ideas, facts, etc. (जाणूनबुजून काहीतरी समजण्यास कठीण बनवण्याचे धोरण, विशेषत: लोकांना कल्पना, तथ्य इ. जाणून घेण्यापासून रोखण्यासाठी.) Obscurantism पासून वाचण्यासाठी आपण वाचले पाहिजे, हे प्रकर्षाने जाणवले. तसेच गेल्या दोन दिवसांतील लोकसत्ता संपादकीय; नेहरूंना मुक्ती आणि नेहरू मुक्तीनंतर यावर चर्चा करण्यात आली. हे दोन्ही अग्रलेख कलम 370 हटवण्याबाबतच्या निर्णयाबाबत, त्याचा इतिहास, पंडित नेहरू यांची तत्कालीन भूमिका (both stand and role) याबाबत चर्चा करतात. हे दोन्ही अग्रलेख येथे जोडत आहे. वाचकांना विषय सुचाविण्याचे आव...

सर्वव्यापी आंबेडकर या विषयावर आज महामानव डॉ. बाबासाहेब आंबेडकर यांच्या महापरिनिर्वाण दिनानिमित्त वाचन कट्ट्यावर सर्व सदस्यांनी चर्चा केली. यामध्ये प्रामुख्याने डॉ. तुषार घोरपडे सर यांनी डॉक्टर बाबासाहेब आंबेडकरांच्या कार्यकर्तृत्वाच्या वेगवेगळे पैलू, धर्मांतराची भूमिका, वर्ग व्यवस्थेतील अन्याय आणि त्यावर डॉक्टर बाबासाहेब आंबेडकर यांनी समाजाला दाखवलेल्या मार्गावर चर्चा केली. उपस्थित सर्वच सदस्यांनी या चर्चेमध्ये भाग घेतला.